" මගේ හද ගැස්ම "


ඔයා ආස කරන,ආදරය කරන ගොඩක් දේ ගෙනෙන වගේම ඔයාගේ දැනුමට අලුත් යමක් එකතු කරන්න පුළුවන් අපුරු තෝතැන්නක් කිව්වොත් මම නිවැරදි කියල හිතනවා..........
ඔයාලම මගේ බ්ලොග් එක බලලා තීරණය කරන්ඩකෝ මම කියන දේ හරිද කියල......
මගේ බ්ලොග් එකෙන් ඔයාලට අලුත් යමක් ගෙන ඒම තමා මගේ එකම සතුට..........
එහෙනම් ඉතින්" මගේ හද ගැස්ම "ටත් ටිකක් සවන් යොමල බලන්ඩකෝ..........

නවතම ලිපි

Sunday, April 3, 2016

කවි දිනය - බස්රියේ සිට..

2016 - 03 -21 දින...


අද කවි දිනය
ඇසුනා මට උදහනක්කේ
හිදිනා කලට අසුනක
බස් රියක අනේ

රියදුරු මහතා පාගයි බොල
හැටට හැටේ
වේගෙන් ඇදෙන බස් රියකුයි
පසු කෙරුනේ

නුලෙන් වැදෙනවා බස් බද
යන බසයේ
ඇගෙ ලේ වතුර වීලයි මගෙ
ඇහැ ඇරුනේ

කැම්පස් එක ලගින් යනවිට
රිය අසුනේ
සිතුවිලි නැගෙනවා
කප්පරකට සබදේ

ඇය මා අත බැදුණු යුගයයි
මතකෙට නැගුනේ
හද පසුතැවිල්ලකි යලි මා
වෙත බැදුනේ

ප්‍රේමය අමතකයි මට
මගෙ හද අරණේ
නැත ඔබගෙන් පසුව වෙනකෙකු
හද බැදුනේ

වත්මන අනාගතෙ ගැන
නැත සිහිවන්නේ
ජිවිතෙ ගෙවෙනවා මට
නොදැනිම සබදේ

දුන්නේ ජන්දෙ උන්දැට මම
ගරුකරලා
රටට සෙතක් වේයැයි
පෙරමන් දැකලා

වෙනසක් කරන්නට ඉල්ලුවා
වරම් එයා
කබලෙන් ලිපට වැටුනේ
අපිමයි සැමදා

සතුට සැහැල්ලුව
ගිලිහීලයි ඇත්තේ
විඩා බර දෙනෙත්
පියවෙනවා රහසේ

ලග එන අවුරුද්දෙ
බෝ වියදම් ඇත්තේ
පඩි පත ඇතිවේද
මට සැකයකි ඇත්තේ

ජීවන අරගලය
දැන් දැනෙනව සබදේ
ගෙදරින් කාපු කාලය
අවසන් වී ඇත්තේ

යුතුකම් බොහොම ඇත මා හට
කරන්නට
ජිවන මන්තලේ පියමන්
තනන්නට

ආයුබොවන් දෙවි පිහිටයි
සැම දෙනට
ඔෆිසියට කිට්ටුයි දැන් ලග ලගම…………….








Saturday, April 2, 2016

සදවතිය


පෙර දවස.....

සදවතිය ලංව 
තුරුලුව උන්නා පපුවට 
මී පැණි වන්ව 
දුන්නා ආදරය පිරෙන්නට 

බරව මා දෙනෙත් මත 
දුන්නා ප්‍රථම හාදුව 
තුරුළු කොට ලැම මතට 
උණුසුමින් වෙලුවා සියොලගම 

නිල්මිණි වන් දෙනෙත්යුග 
මුමුණයි පෙම් හැගුම් ලංව 
වාවනු බැරි තවම 
ඔබේ උණුහුම නැතිව...

Tuesday, September 30, 2014

මහ සයුර වාගෙයි අපේ ආදරේ !!!

ඉවරයක් නැති වැඩකටයුතු ගොන්නක් අතරෙ,සිතට නිදහසක් දැනෙන හැම මොහොතකම,ඔයා ගැන  මතකයන් මාව ආදරයෙන් ස්පර්ෂ කරනවා.ඒ වෙලාවට දැනෙන සතුට,ප්‍රබෝදය...

හරිම පුදුමයි.... හැම මහන්සියක්ම,දුකක්ම මට අමතක වෙලා යනවා."ඔයා මොනවා කරනවා ඇත්ද මේ වෙලාවෙ."

මම හිතින් ඔයා ලගටම එනවා.ඔයා දවල්ට කෑවද දන්නෙ නෑ."කොච්චර කීවත් වෙලාවට කන බොන පුරුද්දක් නෑනෙ මේ කෙල්ලට."ඒ වෙලාවට ඉබේම මගෙ අත යන්නෙ කොච්චර දුරක හිටියත් ඔයාව මගේ ලගට එක්කන් එන ජංගමයට.ජංගම දුරකථනයට.ඔයාගේ ෆෝන් නොම්බරේ ටයිප් වෙන්නෙ ඉබේටම වගේ.ඔයා ඇමතුමට ප්‍රතිචාරයක් දක්වනකම් මම ඉන්නෙ නොයිවසිල්ලෙන් .එහා පැත්තෙන් ඇහෙන ඔයාගෙ ලස්සන හුරතල් හඩ අහන්න ආසාවෙන්.ඔයාගෙන් ප්‍රතිචාරයක් නැති උනොත්,එක පාරටම මගෙ හිත මලානික වෙලා යනවා වගේ මට දැනෙනවා.

Thursday, July 10, 2014

ආදරය සහ විවාහයේ පැවැත්මේ රහස

කාලෙකට පස්සේ ඔන්න බ්ලොග් පැත්තට ආවා.... අද පුංචි කතන්දරයක් කියන්න තමයි යන්න....
එහෙනම් ඔන්න ළමායි දග නොකර කතන්දරේ අහන්න ඕනේ....


Friday, March 14, 2014

දෙසැම්බර් නිවාඩුව



දෙසැම්බර් නිවාඩුවේදි අපේ ගෙදර අයට සීතල කාලයක් උනාට මම නම් හිටියෙ මා..............ර  hot එකෙන්,මොකද මේ month එකේ මට exam පටන් ගත්තනේ.... ඒ කාලේ මොන පාඩම්ද,නිදා ගන්නමයි හිතුනේ........ඒත් ඉතින් අම්මගෙ බරබරේ නිසා පාඩම් කලා.

                   ඔන්න ඉතින් December 20 වෙනකොට exam ඉවර උනා.අප්පේ...........මම එදා නම් හිටියෙ ගොඩක් fun එකේ.  TV. බලන්න, games ගහන්න, songs අහන්න,‍films  බලන්න නිදහස මට හම්බුනා..ගොඩා........................ක් සතු‍ටුයි.



ඔන්න ඉතින් නත්තල් සතිය උදා උනා.නත්තලට අපේ Railway station එකේ පට්ට වැඩක් කෙරුවා.ඒකට ඉතින් මාත් සුලුප‍ටු විදියට help කලා. ahhh..............ඒකට මොකද අපෙ අයියයි අම්මයි නම් මුලු දවසෙම station එකේ....

Sunday, January 5, 2014

Lee Weatherly ගේ Child X - මා පිය සෙනෙහස අහිමි වූ දරුවෙකුගේ අනුවේදනීය කතාවක්...



Lee Weatherly ගේ Child X නම් කෘතිය මුදිතා හේරත් විසින් ''මං කාගේද?'' යන මැයෙන් සිංහලයට පරිවර්තනය කර ඇත.මෑතකදී ඒ කෘතිය කියවීමේ අවස්ථාව මටත් ලැබුණි.පෙර මෙන් සාහිත්‍ය අසුරෙහිලා ගෙවන්නට විවේකයක් නොතිබුනද,යන එන අතරමගදී,දුම්රියේදී හෝ බසයේදී එවැන්නක් රස විදින්නට මම බෙහෙවින් ප්‍රිය කරමි.පෙර මෙන් සොයා බල පොත පත නොකියවුවද ,එවැන්නක් ලද විටෙක කාලය සාදාගෙන හෝ එය කියවීමට මම බෙහෙවින් ආශා කලෙමි.කියවීමෙන් මා ලබන සැනසුම,රස වින්දනය සහ අධ්‍යාත්මික දියුණුව මෙතෙකැයි කියා ප්‍රමාණාත්මකව කිසි විටෙකත් දැක්විය නොහැක.ඒ තරමට එය මට මහත් වූ ආත්මීය වින්දනයකි.

Saturday, January 4, 2014

ජීවිතේ මාවත..



බුමුතුරුනු මත හිදන්
         එපා පොත් කියවන්න...........
රලු බොරලු මාවතක හිඳ
         ජීවිතේ පොත කියවන්න..........


Wednesday, January 1, 2014

ඇරබුම..



පිනි පොද වැස්සක
බින්දු එකතු කර
ගඟකට ඇරබුම දුන්නම
ගලන්නට හැක
කන්දු බිම් යට කරගෙන
බිදින්නට බැරි කිසි බැම්මකට.....................

Thursday, November 28, 2013

ඒකෙත් හැටි ...



වසර ගණනාවක් මගේම වී හිද

හැදින නොගත්තත් ඔබ මාව

ටික කලකින් මගේම වූ ඇය

මා හදුනාගත් හැටි

Monday, November 25, 2013

නරුම බඹරිදු...





පිපී තිබූන කුසුමක් දැක

බඹරෙකු ඒ වෙතට පැමිණ

වෙනකෙකු රොන් උරා ගොසින

කෙමිය සිදුරු කලබව දැන

අවුලාගෙන කෝප ගින්න

පිපෙනට නිසි කල් නොපිරුණ

පැණි නොව කෙමියද නොවැඩුන

මලට මුවා වෙලා තිබූණ

පොහොට්ටුවක් බදා වැළද

සිදුරු කළා නරුම ලෙසින...